Мирзиёев Тошкент метрополитенининг Юнусобод йўналиши қурилишини кўздан кечирди

Тошкент. 29 октябр. ЎзТАГ – Ўзбекистон президенти Шавкат Мирзиёев Тошкент метрополитенининг Юнусобод йўналиши қурилишини кўздан кечирди, деб хабар беради Ўзбек телеграф агентлиги (ЎзТАГ).

“Ҳозирги кунда Тошкент метрополитенининг Юнусобод йўналиши қурилиши тезкор суръатларда амалга оширилмоқда”, - дейилади Ўзбекистон ташқи ишлар вазирлиги матбуот хизматининг хабарида. 

Қайд этилишича, Юнусобод линиясининг узунлиги 2,9 км бўлиб, уни 2019 йилда фойдаланишга топшприш режалаштирилган. Ушбу линияда “Туркистон” ва “Юнусобод” станциялари бўлади.

Шундан кейин маълум қилинишича, ҳозирги кунда бу ерда Туркистон ва Юнусобод станциялари ҳамда улар оралиғида туннел қуриш ишлари олиб борилмоқда. 

Ушбу туннелни ёпиқ усулда қазиш учун Германиядан “Херренктнехт” компаниясининг механизациялашган мажмуаси келтирилган. Бу улкан техника май-сентябрь ойлари давомида йиғилган. Соҳа мутахассислари Германияда малака ошириб келди. “Кўприкқурилиш” трести томонидан туннел деворларини мустаҳкамловчи тюбинглар ишлаб чиқариш цехи ишга туширилди.  

“Бугунда тоннелни ўтказиш ишлари бошланган. Комплекс кунига 12 м масофани ўтиб, 8 айлана тиркович ўрнатиш қувватига эга. Ҳозирга келиб 350 айлана тиркович учун конструкциялар тайёрланган”, - дейилади хабарда.

Ш. Мирзиёев ушбу техник мажмуани кўздан кечирди. Мутасаддиларга метро станцияларининг ташқи кўриниши ва инфратузилмаси бўйича тавсиялар берди. 

Эслатиб ўтамизки, Тошкент метрополитенининг қурилиши 1968-1970 йилларда бошланган бўлиб, 12,2 кмлик 9 станцияга эга биринчи линия (кейинчалик Чилонзор номини олган) 1977 йилда ишга туширилган.

Ҳозирги кунда Тошкент метрополитени Чилонзор, Ўзбекистон ва Юнусобод линияларини ўз ичига олади.

Сурат манбаи: http://www.press-service.uz