Moody's ўзбек “Ипотека-банки” рейтингини тасдиқлади

Тошкент. 13 июн. ЎзТАГ - Moody's Investors Service халқаро рейтинг агентлиги “Ипотека-банк” акционерлик тижорат ипотека банкининг хорижий валютадаги узоқ муддатли ва қисқа муддатли депозит рейтинглари В2/ NP даражасида, миллий валютадаги глобал депозит рейтингини B2 даражасида “барқарор” прогнози билан тасдиқлади, деб хабар берди Trend агентлик вакилига асосланган ҳолда.
“Янги рейтинг ҳулосасида Moody's Ипотека-банкнинг корпоратив ва чакана молия бозордаги мустаҳкам улуши акс эттирилиб, активлар хажми бўйича Ўзбекистонда тўртинчи ўринни эгаллаши, даромадларининг барқарорлиги ва капиталлаштириш даражасининг етарлилиги таъкидланган”, - деди банк вакили.
“Ипотека-банк”нинг "В2" даражадаги узоқ муддатли депозит рейтинги банкнинг қарз лаёқатига асосланган бўлиб, унинг омонатлар ва ипотека кредитлари бўйича молия бозоридаги сезиларли ўрни, ҳамда банк тизими учун етарлича катта аҳамиятини эътиборга олади.
Moody's агентлиги “Ипотека-банк”да ликвидликнинг яхши кўрсаткичлари билан биргаликда, ликвидли активларнинг мос даражаси ўсиб борувчи депозит базасини ҳам қайд этиб ўтди.
Бундан илгари, 2009 йилнинг декабрида Moody's банкнинг хорижий валютадаги депозитлар бўйича В3 рейтингини В2га “барқарор” прогнози билан бир неча йил давомида тасдиқлаган эди.
Эслатиб ўтамизки, “Ипотека-банк” 2005- йилда “Узжилсбербанк” ва “Замин” ипотека банкининг қўшилиги натижасида ташкил топган. Муассасанинг асосий фаолият йўналиши ипотека кредитлари бериш, қурилиш моллари ишлаб чиқарувчи корхоналарни кредитлаш ҳисобланади.
Йил бошига келиб банк активлари 2,988 трлн сўмни, соф кредитлар ва лизинг операциялари 1,93 трлн сўмни ташкил қилган. Шу санага келиб банк мажбуриятлари 2,736 трлн сўмга тенг бўлган. Бундан 1,383 трлн сўми талаб қилиб олинадиган депозитлар, 27,753 млрд сўми омонат депозитлари, 328,788 млрд сўми шошилинч депозитлар бўлган.
2014 йилнинг биринчи чораги бўйича банк 18,227 млрд сўм соф фойда олган.