Қобулда аёлни очиқчасига ўлдиришга ҳалақит бермаган 11 полициячи қамалди
Тошкент. 20 май. ЎзТАГ – Сешанба куни Афғонистон пойтахтида биринчи инстанция суди Қуръонни ёқишда ноҳақ айбланган аёлни очиқчасига ўлдиришга ҳалақит бермаган 11 полициячи устидан ҳукм чиқарди, деб хабар беради Афғон телеграф агентлиги (АфТАГ).
Эслатиб ўтамизки, исми Фархунда бўлган марҳума 27 ёшли аёл оламон қўлида даҳшатли ўлим топган эди. Дастлаб марҳума ўнлаб кишилар томонидан таёқ ва тошлар билан калтакланган, кейинчалик эса ёқиб юборилган. Буларнинг бари полициячилар кўз ўнгида содир бўлган. Фожеани ўрганиш аёлга қўйилган айблар ҳақиқатга мос эмаслигини кўрсатди.
Кейинчалик ушбу қотиллик юзасидан 50 атрофида гумондор қўлга олинган, улардан 4 киши ўлимга ҳукм қилинган.
Тергов жараёнида 8 полициячидан далиллар етакли бўлмаганлиги сабабли айбловлар олиб ташланди. Уларнинг қолган 11 ҳамкасби бир йиллик қамоқ жазосига ҳукм қилинган, деб хабар беради “Пажвок” ахборот агентлиги.
