Октябрдан Ўзбекистондаги ишлаётган пенсионерларга тўлиқ пенсиялар тўлаш режалаштирилмоқда

Тошкент. 6 сентябр. ЎзТАГ – 2018 йилнинг октябридан Ўзбекистонда ишлаётган пенсионерларга тўлиқ пенсиялар тўлаш режалаштирилмоқда, деб хабар беради Ўзбек телеграф агентлиги (ЎзТАГ).

Хусусан, бу ҳақида Ўзбекистон Президенти Шавкат Мирзиёевнинг “Фуқароларнинг пенсия таъминотининг самарадорлиги ва ижтимоий адолатлилигини ошириш бўйича қўшимча чора тадбирлар тўғрисида”ги фармони лойиҳасида айтиб ўтилган.

“2018 йилнинг 1 октябридан бошлаб ишлаётган барча пенсионерларга пенсиялар тўлиқ ҳажмда тўланади”, - дейилади фармон лойиҳасида.

Ҳужжатга мувофиқ, бу фуқароларнинг пенсия таъминот тизимида узоқ муддат ва узлуксиз иштирокини рағбатлантириш, иш ҳақи, меҳнат стажи ва олинаётган пенсия орасидаги боғлиқлиқни кучайтириш, шунингдек, пенсия таъминоти тизими самарадорлигини ошириш ва пенсия таъминотининг Халқаро меҳнат ташкилоти томонидан тавсия этилаётган умумбелгиланган принципларини қўллаш мақсадларида амалга оширилмоқда.

Эслатиб ўтамизки, бунга қадар ушбу шахслар гуруҳига пенсия тўловларининг фақат ярмигина тўлаб берилар эди.

Олдинроқ Ўзбекистон молия вазирлиги, иқтисодиёт вазирлиги ва бандлик ва меҳнат муносабатлари вазирлиги 2019 йил 1 январдан пенсияларни ЭКИҲМнинг 8 бараваридан 10 бараваригача оширишни таклиф қилган эди.

1 ЭКИҲМ=184300 сўм

Сурат манбаи: https://rus.ozodlik.org/a/28955209.html