Ш. Мирзиёевнинг Душанбега ташрифи ва икки мамлакат президентларининг учрашуви санъат усталарининг қутлов концерти билан нишонланади

Тошкент. 12 феврал. ЎзТАГ – Қўшни республика президенти Шавкат Мирзиёевнинг биринчи давлат ташрифи билан Душанбега келиши ва икки мамлакат президентларининг учрашуви Тожикистон ва Ўзбекистон санъат усталарининг қўшма қутлов концерти билан нишонланади, деб хабар беради Тожик телеграф агентлиги (ТожТАГ).

“Тожикистон ва Ўзбекистон санъат усталарининг “Дўстлик кечаси” деб номланган қўшма концертини қўшни республика президенти Шавкат Мирзиёевнинг Душанбега март ойининг биринчи ўн кунлигига режалаштирилган биринчи давлат ташрифи доирасида ўтказиш кутилмоқда”, - деб хабар берди ТР Маданият ишлари вазирлигидаги манба.

Душанбе шаҳрида йирик концерт залларидан бирининг саҳнасида давлат раҳбарларининг олдида таниқли хонанда, созанда ва раққослар чиқиш қилишади.

Томошабинлар орасида Ўзбекистон расмий делегацияси аъзолари, Тожикистон ҳукумати ва парламенти, Душанбедаги дипломатик корпус, жамоатчилик вакиллари бўлади.

Эслатиб ўтамизки, Ўзбекистон Республикасини биринчи президенти Ислом Каримовнинг 2000 йил июндаги Душанбега биринчи расмий ташрифи доирасида пойтахтдаги “Коҳи Борбад” концерт залида ҳам икки мамлакат санъат усталарининг биргаликдаги концерти бўлиб ўтган эди.

Ўшанда Тожикистон президенти Эмомали Раҳмон Ўзбекистоннинг икки машҳур хонандалари Фарруҳ Зокиров ва Мавлон Мардоновларга “Тожикистон халқ артисти” фахрий унвонини берган эди.

Сурат манбаи: http://today.tj/politika/4632-emomali-rahmon-pozdravil-shavkata-mirzieeva.html