ЎзТАГ
Ўзбек телеграф агентлиги

Стокгольмдаги терактда гумон қилинаётган ўзбекистонлик психик соғлом деб топилди

Дата: 15:57, 11-05-2017.

Тошкент. 11 май. ЎзТАГ – Стокгольмдаги терактда гумон қилинаётган ўзбекистонлик Раҳмат Оқилов психик соғлом деб топилди, деб хабар беради Ўзбек телеграф агентлиги (ЎзТАГ).   

 SVT швед телеканалига кўра, тиббий суд экспертизаси унинг руҳий хасталиги бўлмаганини тасдиқлади.

Психиатрларнинг хулосаси чоршанба куни Стокгольм округ судига тақдим этилган.

Эслатиб ўтамизки, 7 апрелда гумондор бошқарган юк машинаси Стокгольмнинг марказий кўчаларидан бири бўлган Дроттнинггатан кўчасида кишиларни босиб кетган. Машина 550 метр юриб, Ahlens савдо марказига бориб урилган. Машина юк туширилаётган пайтида ўғирлангани маълум бўлди. Натижада 4 киши қурбон бўлди, 15 киши жароҳатланди. Ҳодиса теракт деб баҳоланди.

Қўлга олинган Раҳмат Оқилов - этник тожик. Швецияга кўчиб ўтганидан кейин “Ислом давлати” экстремистик гуруҳи таъсирига тушиб қолган. У турк-сурия чегарасида ушланиб, Швецияга депортация қилинган.

Раҳмат Оқилов 2017 йил февралда Ўзбекистон ҳуқуқни муҳофаза қилиш органлари томонидан халқаро қидирувга берилган.

Янгилик билан ўртоқлашиш:

Мавзу бўйича ҳаволалар

Ўзбекистонликлар сув учун 411 млрд сўмдан ортиқ қарз бўлди ЮНФПАнинг Ўзбекистондаги янги раҳбари Ю Ю бўлди Франция муносиб равишда икки карра жаҳон чемпиони бўлди