Теннис бўйича Тошкентнинг Очиқ чемпионатида жаҳоннинг 43- ва 55- ракеткалари энг кучли спортчилардан бўлдилар
Тошкент. 28 сентябр. ЎзТАГ – Теннис бўйича Тошкентнинг Очиқ чемпионатида жаҳоннинг 43-ракеткаси бўлган германиялиялик Анника Бек ва 55- ракеткаси Карина Виттхофтлар энг кучли спортчилардан бўлдилар, деб хабар беради Ўзбек телеграф агентлиги (ЎзТАГ).
Мусобақадан Ўзбекистондан икки спортчи – WTA рейтингининг 201- ракеткаси Сандра Шарипова ва 224-ракеткаси Нигина Абдураимовалар қатнашадилар.
Бошланғич баҳсда Сандра дунёнинг 142-й ракеткаси словакиялик Яна Чепелова билан, Нигина эса дунёнинг 128- ракеткаси хорватиялик Петра Мартичлар билан беллашади. Ҳар икки ўзбек теннисчиси кортга эртага, 29 сентябрда тушади.
МДҲ бошқа мамлакатларидан турнирда Россиядан 5 спорчи қиз, шунингдек, Ярослава Шведова (Қозоғистон), Александра Саснович (Беларусия), Катерина Козлова ва Ангелина Калининалар (Украина) иштирок этмоқда.
Эслатиб ўтамизки, Тошкентнинг Очиқ чемпионати – кузда Тошкентда бўлиб ўтадиган аёллар халқаро профессионал теннис турнири бўлиб, қаттиқ қопламали кортларда ўйналади. 2009 йилдан бери мусобақа WTA халқаро сериясига киради. Турнирнинг соврин жамғармаси $250 минг бўлиб, унда яккаликда 32 иштирокчи, 16 жуфтлик қатнашади.
Мусобақа 1997 йилда эркаклар турнири сифатида ташкил этилган. У илк йилларда US Openдан кейин ўтказилган ва Ўзбекистон президенти номида бўлган. 2003 йилда мусобақа АТР қарорига кўра Бангкокка ўтказилган.
Аёллар турнири 1999 йилда алоҳида турнир сифатида ташкил этилган. 2003 йилда эркаклар турнири ёпилиши муносабати билан аёллар мусобақалари кузга кўчирилган.
Ҳозиргача турнир мезбонлари икки марта унда ғолибликни қўлга киритганлар. Ирода Тўлаганова 2000 йилда аёллар яккалик турнирида, Олег Огородов – 1999 йилда эркаклар ўртасида жуфтликда ғолибликни қўлга киритганлар.
