Тошкентда бир ҳафта ичида 2,5 мингдан зиёд ЙҲҚ бузилганлиги қайд этилган

Тошкент. 10 апрель. ЎзТАГ – Тошкентда бир ҳафта ичида 2,5 мингдан зиёд йўл ҳаракати қоидалари бузилганлиги қайд этилган, дея хабар беради Ўзбек телеграф агентлиги (ЎзТАГ).

“1 апрелдан 7 апрелгача пойтахти йўлларда Тошкент шаҳар ИИББ ЙПХ ЙҲХБ инспекторлари ҳайдовчилар томонидан 2688 та йўл ҳаракати қоидаларини бузганлигини аниқладилар”, - дейилади Тошкент шаҳар Ички ишларбош бошқармаси матбуот хизмати хабарида.

Таъкидланганидек, шанба куни (6-апрель) автоулов ёритгичидан фойдаланиш қоидаларини бузганлиги сабабли жазо майдонига ўнлаб машиналар юборилган. Пиёдалар томонидан йўл ҳаракати қоидаларининг (ЙҲҚ) бузилганлиги кўрсатилган вақт мобайнида 1390 марта қайд этилган. Текширув давомида транспорт воситасини бошқариш учун зарур ҳужжатлар йўқлиги 78 марта аниқланди. Бундан ташқари, 53 киши маст ҳолатда рулга ўтиришган.

75 марта светофорнинг тақиқловчи белгиларида ўтганлиги Тошкент шаҳар ЙҲХБ инспекторлари томонидан қайд этилган. Шунингдек, 1 апрелдан 7 апрелгача бўлган даврда Тошкентда автомашиналарни қувиб ўтиш қоидалари 251 марта бузилган, бошқарув пайтида мобил телефондан фойдаланишнинг 68 та ҳолати, рухсат берилмаганига қарамасдан ойналари тонировка қилинган 38 та автомобил, ЙҲХБ ходимларининг қонуний талабларига бўйсунмасликнинг 16 та ҳолати қайд этилган.

ЙҲҚини қўпол равишда бузганлиги учун милиция ходимлари томонидан 189 та транспорт воситаси жазо майдонига жўнатилди.

Сурат манбаи: mosreg.ru