Тошкентда бир хил дорини турли дорихоналардан ҳар хил нархларда олиш мумкин

Тошкент. 31 октябр. ЎзТАГ – Тошкентда бир хил дорини турли дорихоналардан ҳар хил нархларда олиш мумкин, дея хабар беради Ўзбек телеграф агентлиги (ЎзТАГ).

Тошкент дорихоналаридаги нархлар солиштирилган тадқиқот Norma.uz сайтида эълон қилинган.

Мисол учун нархлардаги энг катта фарқ “Ярина” препарати бўйича қайд этилди (энг арзони 44,9 минг сўм ва энг қиммати 52 минг сўм), “Сиофор 500” (18,3 минг ва 20 минг), “Кетонал крем” (10,5 минг ва 12,9 минг) ва “L-тироксин 50” (5,4 минг ва 6,2 минг) дори воситаларининг баҳоси ҳам турлича бўлиб чиқди.

Тадқиқотда айтилишича, дорихоналардаги дори воситаларининг нархлари 10-15 октябр кунлари қайд этилган, етказиб берувчиларнинг нархномалари октябр охирига қадар ҳақиқий.

Эслатиб ўтамизки, қонунчиликка мувофиқ Ўзбекистонда ишлаб чиқарилган препаратларга устамалар 25%, импорт дориларга устама эса 20% ошмаслиги зарур.