Тошкентда саноат ҳудудлари тармоғини ташкил этиш режалаштирилмоқда
Тошкент. 29 май. ЎзТАГ – Яқин орада Тошкентда ихтисослашган саноат ҳудудлари тармоғини ташкил этиш ишлари бошланади, деб хабар беради Ўзбек телеграф агентлиги (ЎзТАГ) давлат раҳбарининг тегишли қарорига асосланган ҳолда.
Кичик саноат ҳудудларида жойлашган ишлаб чиқариш майдончалари ва ер участкалари тадбиркорлик субъектларига келгусида яна 10 йилга узайтириш имконияти билан берилади. Агар компания лойиҳа бўйича барча белгиланган шартларни бажариб, барча солиқ ва тўловларни ўз вақтида тўласа, шартнома яна 10 йилга чўзилиши мумкин.
“Ҳудудларда жойлашган компаниялар икки йил муддатга мол-мулк ва юридик шахсларга солинадиган даромад солиғи, ягона ижтимоий тўловдан озод қилинади. Имтиёзлар ишлаб чиқарилган умумий маҳсулотларнинг 30% экспорт қилинган тақдирда, қўшимча равишда яна икки йилга узайтирилиши мумкин”, - деб таъкидланади хужжатда.
Юқоридаги имтиёзлардан фойдаланиш учун энг кам ойлик иш ҳақининг 3000 баробари миқдорида инвестиция киритиш зарур бўлади. Агар йиллик тушум энг кам иш ҳақи миқдорининг 2000 баробаридан оз бўлса, имтиёзлар беккор қилинади.
1 ЭКИҲМ=149775 сўм
$1=3820,46 сўм
