Уч ўзбек артисти лицензиясидан маҳрум қилинди

Тошкент. 20 июл. ЎзТАГ – "Ўзбекнаво" эстрада бирлашмаси 19 июл куни Ситора Фармонова, Сарвар Азимов ва Комил Фозиловларни (Benom гуруҳи) лицензиядан маҳрум қилди, деб хабар беради Ўзбек телеграф агентлиги (ЎзТАГ).
  Бу қарор "Ўзбекнаво" эстрада бирлашмаси томонидан қабул қилинган бўлиб, тегишли маълумот унинг сайтида жойлаштирилган. Таъкидланишича, бу қарорга лицензия битимида назарда тутилган талаб ва шартлар мунтазам равишда бузилганлиги сабаб бўлган.
Хусусан, “Ўзбекнаво” эстрада бирлашмаси махсус рухсатнома бўлими бошлиғи Одилжон Абдуқаҳҳоров Daryo.uz нашрига маълум қилишича, хонандалар хорижга чиқиб, белгиланган тартиб-қоидаларни бузган ҳолда концертлар беришган.
Абдуқаҳҳоровнинг баён қилишича, чет элдаги концертларда 200-250 кишилик залларни ҳам тўлдира олишмаган, бу эса ўзбек эстрада санъатининг обрўъсига салбий таъсир қилади.