Йирик француз машинасозлик компанияси Ўзбекистонга ҳам ўз маҳсулотларини етказиб беришни режалаштирмоқда
Дата: 18:17, 17-07-2014.
Тошкент. 17 июл. ЎзТАГ – Йирик француз машинасозлик компанияларидан бири –Schneider Electric Ўзбекистонга ўз маҳсулотларини етказиб беришни режалаштирмоқда, дея хабар беради Ўзбек телеграф агентлиги (ЎзТАГ).
Бу ҳақида Schneider Electricнинг Россия ва МДҲдаги президенти Жан-Луи Стази россиянинг “Ведомости” ишбилармонлик газетасига берган интервьюсида хабар қилди.
“Биз Россияда ишлаб чиқараётган ускуналаримизни яқин атрофдаги мамлакатлар – Қозоғистон, Белорусия ва Ўзбекистонга етказиб бериш ниятидамиз. Бунинг учун ишлаб чиқаришни кенгайтириб, заводлар қувватини оширамиз”, - деди Стази.
Қайд этиш керакки, Schneider Electric Industries SAS (Франция) томонидан Самарадаги (Россия) “Электроаппарат-ТМ” ЁАЖнинг қолган 50% акциялариннг ҳам сотиб олиниши натижасида француз ширкати россия компанияси эгалик қилган “Ўзэлектроаппарат-Электрқалқон” (Ўзбекистон) корхонасининг 94,94% акцияларига ҳам эгаликни қўлга киритди.
Эслатиб ўтамизки, франциянинг 23,6 млрд евро тушум ва 150 минг ходим ҳамда 100 ошиқ мамлакатларга офисларга эга бўлган ушбу холдинги электр қувватини бошқариш тизимларини ишлаб чиқиш ва ишлаб чиқаришга ихтисослашган.
