Ўзбекистон АҚШга спиртли ичимликлар етказиб беришни бошлади

Тошкент. 24 март. ЎзТАГ – 2015 йил мартда Ўзбекистон АҚШга илк маротаба спиртли ичимликлар, шу жумладан, винолар етказиб беришни бошлади, дея хабар беради Ўзбек телеграф агентлиги (ЎзТАГ).

“Ҳозирда биз экспортни диверсификация қилиш бўйича ишлар олиб бормоқдамиз. Анъанавий бозорларимиз бўлган Қозоғистон, Россия, Қирғизистон, Тожикистон ва Грузия қаторига Япония ва АҚШ қўшилди. Мартда ўзбек спиртли ичимликлари улар сифатини баҳолаш ва америка стандартларига мослигини аниқлаш мақсадларида биринчи бор синов партияси шаклида АҚШга етказиб берилди”, – деб таъкидлади ЎзТАГ мухбирига “Ўзвиносаноат-холдинг” ХК модернизация ва илғор технологияларни жорий қилиш бошқармаси бошлиғи Адолат Вострикова.

Унинг сўзларига кўра, ўтган йили “Ўзвиносаноат-холдинг” қиймати $20 млнлик маҳсулот экспорт қилган.