Ўзбекистон Эрон ҳудуди орқали темир йўл юклари транзити оширмоқда
Тошкент. 26 июн. ЎзТАГ - Ўзбекистон Эрон ҳудуди орқали темир йўл юклари транзити ошириш ниятида. Бу ҳақида келишувга Эрон темир йўллари транзит ташувлари бўлинмаси директори Муҳаммад Гаравийнинг Ўзбекистон Ташқи иқтисодий алоқалар, инвестициялар ва савдо вазири Элёр Ғаниев билан учрашувида келинди, деб хабар беради жума куни Эрон телеграф агентлиги (ЭрТАГ).
Гаравийнинг мухбирларга маълум қилишича, учрашув доирасида Эрон темир йўл тармоқларидан Ўзбекистонга тегишли юкларни ташишда самаралироқ фойдаланиш масалалари бўйича фикр алмашилган. Хусусан, томонлар ЭИР Форс кўрфазидаги денгиз портларига ўзбек пахта ва кимёвий ўғитларини темир йўллар орқали етказиш бўйича аниқ таклифларни муҳокама қилганлар.
Амалдорнинг сўзларига кўра, учрашувда жорий йилда ўзбек пахта ва кимёвий ўғитлари транзитини навбати билан 400 минг тонна ва 300 минг тоннага етказиш бўйича келишув тузилган. Бундан ташқари, истиқболда ўзбек томони эрон темир йўллари орқали йилига 1 млн тоннагача кимёвий ўғитлар ташишни режалаштирмоқда.
Айни пайтда юк ташувлари ҳажми ошмоқда. Хусусан, эрон тақвими бўйича йил бошидан бери (2015 йилнинг 21 мартида бошланди) эроннинг Бандар-Аббос портига Ўзбекистондан 60 минг тонна кимёвий ўғитлар етказилган.
