Ўзбекистон Олмалиқ ТМКнинг янги мис эритиш печини қуришга деярли $100 млн йўналтиради
Дата: 22:49, 15-09-2014.
Тошкент. 15 сентябр. ЎзТАГ – Ўзбекистон Олмалиқ тоғ-металлургия комбинатининг (ОТМК) янги мис эритиш печини қуришга деярли $100 млн йўналтиради, дея хабар беради Ўзбек телеграф агентлиги (ЎзТАГ).
“Лойиҳанинг умумий қиймати $97,7 млн. Молиялаштириш ОТМКнинг $34,6 млнлик ўз маблағи, Тикланиш ва тараққиёт жамғармасининг $29 млн ва “Ипотека-банк”нинг $34,1 млнлик маблағи ҳисобига амалга оширилади”, – деб таъкидлашди комбинат матбуот хизматида.
Қурилиш учун технологик ускуналар етказиб бериш ва ўрнатиш ишларини германиянинг “Engineering Dobersek GmbH” компанияси бажаради. У билан умумий қиймати $89,6 млнлик шартнома тузилган.
Эслатиб ўтамизки, комбинат янги мис эритиш цехини 2016 йил сентябрда ишга туширишни режалаштирмоқда.
