Ўзбекистон ҳудудларида экологик экспертиза бўйича семинарлар бўлиб ўтмоқда
Тошкент. 21 июл. ЎзТАГ – 2016 йилнинг июл-августида Ўзбекистон Республикаси Табиатни муҳофаза қилиш давлат қўмитасининг ташаббуси билан барча вилоятларда “Салбий экологик оқибатларнинг олдини олиш мақсадида давлат экологик экспертизасидан ўтказиш” мавзусида давра суҳбатлари бўлиб ўтмоқда, деб хабар беради Ўзбек телеграф агентлиги (ЎзТАГ).
“Белгиланган экологик нормативларга амал қилишни таъминлаш жуда муҳим. Амалдаги хўжалик субъектлари томонидан экологик зарарни олдини олиш ёки юмшатиш учун, атроф-табиий муҳити ва фуқаролар саломатлигига салбий таъсирининг, бир сўз билан айтганда, режалаштирилаётган ёки амалга оширилаётган фаолиятнинг ижтимоий оқибати ва экологик таҳлилини назарда тутувчи ҳар томонлама экологик баҳолаш зарур”, - дейилади муассаса Ахборот хизмати хабарида.
Мазкур давра суҳбатларида мамлакатнинг табиатни муҳофаза қилиш қонунчилигига асосан мўлжалланаётган хўжалик ва бошқа турдаги фаолиятни амалга оширишдан олдин бундай фаолиятнинг экологик талабларга мувофиқлигини аниқлаш мажбурийлиги, давлат экологик экспертизасини ўтказиш тартиб-қоидалари, унинг объектлари ва турлари каби масалаларга тўлиқ тушунча берилмоқда.
