Ўзбекистон ва Украина 2019 йил сентябрда тўғридан-тўғри рейсларни қайта тиклашни режалаштиришмоқда
Тошкент. 29 октябр. ЎзТАГ – Ўзбекистон ва Украина 2019 йил сентябрда тўғридан-тўғри авиаалоқани қайта тиклашни режалаштиришмоқда, дея хабар беради Ўзбекистон телеграф агентлиги (ЎзТАГ) “Интерфакс-Украина”га таянган ҳолда.
“Бу масала кун тартибида, 2019 йил сентябридан бошлаб парвозларни давом эттириш эҳтимоли мавжуд. Дастлаб бу масалалар икки мамлакат авиация маъмурлари ўртасида муҳокама қилинди”, - деди Ўзбекистоннинг Украинадаги элчиси Алишер Абдуалиев.
Бундан ташқари, у 2018 йилнинг биринчи ярмида Украинанинг 6620 фуқароси Ўзбекистон чегарасини кесиб ўтганини, уларнинг аксарияти ўз яқинларига ташриф буюргани, кўплари бизнес бўйича келганини таъкидлади.
“Фуқароларимиз Трускавецда мароқ билан дам олишади, Киев ҳа жуда чиройли ва қизиқарли шаҳар, лекин афсуски, аниқ рақамларни келтира олмайман. Энг яхши йилларда Трускавецга Ўзбекистондан 12-13 минг киши ташриф буюрган. Туризмни рағбатлантириш режаларига келсак, биз тўғридан-тўғри парвозларни йўлга қўямиз ва бу туризмни ривожлантириш учун энг катта рағбатлантириш бўлади”, - деб қўшимча қилди А. Абдуалиев.
Элчи, шунингдек, ишбилармонлар ва сайёҳлар асосан Минск, Истамбул, Остона, Олмота, Боку орқали учаётганини таъкидлади.
“Юқоридагиларнинг ҳаммаси дўстона ва ҳамкорлик муносабатларини сақлаб қолган шароитдагина бўлиши мумкин. Биз ўз томонимиздан Украина билан узоқ муддатли ва мустаҳкам муносабатларга эга бўлишни истаймиз ҳамда шартномаларимиз ва яхши алоқаларимиз ҳар доим амалга ошишини истаймиз”, - деб хулоса қилди элчи.
Сурат манбаи: https://www.uznews.uz
