Ўзбекистонда Интеллектуал мулк агентлигининг икки раҳбари ишдан олинди
Тошкент. 24 март. ЎзТАГ – Ўзбекистон ҳукумати мамлакат Интеллектуал мулк агентлиги бош директори вазифасини бажарувчи Зайниддин Ғиёсов ва унинг биринчи ўринбосари Саидғани Насриддиновларни ишдан бўшатди, дея хабар беради Ўзбек телеграф агентлиги (ЎзТАГ).
“Илгари бош директорнинг учинчи ўринбосари бўлиб ишлаган Мақсуд Бобожонов агентлик бош директори вазифасини бажарувчи этиб тайинланди”, – деб таъкидлашди ЎзТАГ мухбирига агентликда.
Амалдорларнинг ишдан кетишига уларнинг Aston Alliance компанияси билан келишмовчилиги ва шу йўлдаги қонунга хилоф ҳаракатлари бўлди.
“Айнан ана шу икки амалдор бир йил олдин Aston Alliance компаниясининг Ўзбекистондаги хусусий бизнесига қаршилик қилди. Бунга эса Aston Alliance Тошкентдаги идораси қонунни бузишдан бош тортгани ва товар белгилари бўйича агентлик экспертлари ёзган хулосалар бўйича “келишиш”ни истамаганлиги сабаб бўлди. Тошкент офиси барча аризалар қонунчиликка мувофиқ топширилиши ва мижозлар учун бошқа ҳеч бир шартлар қўйилмаслиги деган позицияга амал қилди. Мизожларнинг манфаатлари тўлиқ ҳажмда ва фақат ҳуқуқий майдонда ҳимоя қилинади”, – деб таъкидлашди Aston Alliance компанияси матбуот хизматида.
