Ўзбекистонда техникумларни битирувчилар имтиҳонсиз олий ўқув юртларига киришлари мумкин
Тошкент. 7 сентябрь. ЎзТАГ – Ўзбекистонда техникумларни битирувчилар имтиҳонсиз олий ўқув юртларига киришлари мумкин, деб хабар беради Ўзбек телеграф агентлиги (ЎзТАГ).
Адлия вазирлиги маълумотларига кўра, президентнинг 2019 йил 6 сентябрдаги "Касб-ҳунар таълими тизимини янада такомиллаштиришга доир қўшимча чора-тадбирлар тўғрисида"ги 5812-сонли фармони қабул қилинди.
"Фармонга мувофиқ, Ўзбекистонда 2020/2021 ўқув йилидан бошлаб таълимнинг халқаро таснифлагичи даражалари билан уйғунлашган янги бошланғич, ўрта, ўрта-махсус профессионал таълим тизими ҳамда табақалаштирилган таълим дастурлари жорий этиладиган таълим муассасалари ташкил этилиб, мазкур дастурлар асосида тегишли кадрлар тайёрлайдиган таълим муассасалари рўйхати ташкил этилмоқда", - дейилади хабарда.
Бундан ташқари, Фармонда жами 388 та касб-ҳунар коллежи биноси тегишли рўйхатга мувофиқ мактаб сифатида фойдаланиш белгиланган.
Қайд этилганидек, бошланғич, ўрта ва ўрта махсус касб-ҳунар таълими тизимида касб-ҳунар мактаблари, коллеж ва техникумлардан ташкил топган касб-ҳунар таълими муассасалари тармоғи ташкил этилиб, тегишли таълим дастурлари жорий этилмоқда.
Шу билан бирга, касб-ҳунар мактабларида мактабларнинг 9-синф битирувчилари 2 йиллик кундузги таълим олишади, талабалар давлат бюджети ҳисобидан базавий ҳисоб-китоб миқдори ойлик стипендия ва кунига уч маҳал овқат билан таъминланади.
Коллежларда касб-ҳунар ва мутахассисликларнинг мураккаблигига қараб камида умумий ўрта маълумотга эга бўлган шахсларга давлат буюртмаси ва тўлов-контракт асосида кундузги, кечки ва сиртқи таълим шаклида 2 йилгача бўлган муддатда таълим берилади.
Техникумларда умумий ўрта таълимга эга бўлган шахсларга давлат буюртмаси ва тўлов-контракт асосида кундузги, кечки ва сиртқи таълим шаклида камида 2 йил давомида касб-ҳунар ва мутахассисликлар мураккаблигидан келиб чиқиб, техникумларни тамомлаган битирувчилар олий таълим муассасаларида суҳбат асосида кириш имтиҳонларини топширмасдан 2-курсдан бошлаб тегишли бакалавриат таълим йўналишлари бўйича ўқишни давом эттириш ҳуқуқига эга.
Сурат манбаи: t.me/pravoinf
