Ўзбекистондаги Хартум конидаги 83-қудуқдан биринчи нефть қазиб олинди
Тошкент. 6 сентябр. ЎзТАГ – Ўзбекистон мустақиллигининг 27 йиллиги арафасида Андижон вилоятидаги Хартум конидаги 83-сонли истиқболли қудуқдан кунига 30 кубометргача миқдорда нефть олинди, деб хабар беради Ўзбек телеграф агентлиги (ЎзТАГ).
“Ўзбекнефтегаз” АЖдан хабар беришларича, мазкур қудуқ нефть ва газ қудуқларини бурғилаш жараёнини тез ва сифатли амалга ошириш имконини берувчи замонавий технологияларни қўллаган ҳолда бурғиланган.
Солиштириш учун, 2006-2007 йилларда 82-сонли қудуқнинг қурилиши 18 ой давомида якунланган. 83-сонли қудуққа келсак, у юқори технологияларни жорий этиш ва қўллаш натижасида атига 3 ой ичида бурғиланди. Бу қурилиш жараёнининг тезлашиши 600% ташкил этган демакдир.
Бу натижага “Ўзбекнефтгаз” АЖ, ERIELL Oilfield Services Middle East DMCC компаниялари ва Xibu компанияларининг (ХХР) энг яхши мутахассисларининг биргаликдаги ҳаракатлари ва назорати ёрдамида эришилди.
Яқин келажакда, палеоген ётқизиғининг 8-қатламидан нефть қазиб олишни кўпайтириш мақсадида қўшимча 3-4 қудуқни бурғилаш режалаштирилмоқда. Шунингдек, 4300 метргача чуқурликда жойлашган газли қатламларни баҳолаш учун яна бир баҳолов қудуғини бурғилаш кўзда тутилмоқда.
Сурат манбаи: из https://ru.sputnik-tj.com
