Ўзбекистонлик Равшан Эрматов футбол бўйича Бразилиядаги жаҳон чемпионатининг энг яхши ҳаками деб топилди
Дата: 19:32, 16-06-2014.
Тошкент. 16 июн. ЎзТАГ - Ўзбекистонлик Равшан Эрматов футбол бўйича Бразилиядаги жаҳон чемпионатининг энг яхши ҳаками деб топилди, дея хабар беради Ўзбек телеграф агентлиги (ЎзТАГ).
Эрматовга ушбу баҳони WorldReferee.com сайти экспертлари Швейцария ва Эквадор терма жамоалари ўртасидаги ўйиндаги ҳакамлиги учун бердилар.
Хусусан, Эрматовнинг иши 7,6 баллга баҳоланди ва бу баҳо бугунгача чемпионат ўйинларига ҳакамлик қилган тўққиз ҳакамлар орасидаги энг яхши натижадир.
Эслатиб ўтамизки, юқорида тилга олинган ўйин Швейцария терма жамоасининг ўйин тугашига бир нача сония қолганда киритган тўпидан кейинги ғалабаси билан тугалланган эди. Қизиғи, ҳар икки голнинг муаллифлари ўйинга танаффусдан кейин кирган ўйинчилар бўлдилар.
