Ўзбекистоннинг бешта шаҳрида Open air мусиқий лойиҳаси бўлиб ўтади
Тошкент. 13 июнь. ЎзТАГ – 18-27 июнь кунлари Ўзбекистоннинг бешта шаҳрида Open air. “Sahro simfoniyasi” мусиқий лойиҳаси бўлиб ўтади, дея хабар қилди Ўзбек телеграф агентлиги (ЎзТАГ).
"Лойиҳа Нукусда Қорақалпоғистон Марказий майдонида И.В.Савицкий номидаги давлат санъат музейи олдида бошланади.Кейин мусиқа карвони Хива, Термиз, Қарши ва Шаҳрисабз тарихий ва рассомлик майдонларида концертлар билан давом этади", – дейилади Маданият вазирлиги матбуот хизмати хабарида.
18 июнь куни Нукусда, 20 июнь куни Хива шаҳрида "Ичан қалъа" ансамбли олдидаги майдонда, 23 июнь куни Термиз шаҳрида Сурхондарё вилояти санъат саройи амфитеатрида, 25 июнь куни Қарши шаҳрида, 27 июнь куни Шаҳрисабзда "Оқ сарой" майдони олдида концертлар бўлиб ўтади.
"Барча майдонларда3 мингдан 5 минг кишига мўлжалланган ўриндиқли импровизациялаштирилган концерт заллари, мусиқий ёриткич ускуналари ўрнатилган саҳналар ва шаҳарнинг ўзига хослигиниакс эттирувчи визуал экранлар қурилади", – дейилади хабарда.
Шоу ташкилотчилари классик асарлар, романтик мусиқалар ва опера мусиқаларини, фильмлардан мусиқаларни, рақс композицияларини оригинал қайта ишлашни, томошабинлар учун кутилмаган ҳодисаларни ва яна кўп нарсаларни бирлаштиришига ишонади.
Сурат манбаи: madaniyat.uz
