Ўзбекистоннинг энг йирик суғурта компанияси “uzA++” рейтингини олди

Тошкент. 26 июн. ЎзТАГ - SAIPRO ахборот-рейтинг агентлиги “Ўзбекинвест” Миллий экспорт-импорт суғурта компаниясига 2014 йил якунлари бўйича “uzA++” (ажойиб молия ишончлиги) даражасида рейтинг баҳосини берди, деб хабар беради Ўзбек телеграф агентлиги (ЎзТАГ).

“2014 йилда компаниянинг сон кўрсаткичлари ва уларнинг тенденциялари ўтган йилдагига қараганда яхшиланган. Ялпи мукофотлар 39,9% ўсди. 12,7 млрд сўмлик суғурта қопламалари тўлаб берилди. Зарар кўриш даражаси қониқарли даражада ва умумий баҳога салбий таъсир кўрсатмаяпти. Активлар 12% ўсиб, 280,6 млрд сўмни ташкил қилди. Активлар даражаси бўйича компания мамлакатдаги бошқа суғуртачилар орасида энг йириклигича қолмоқда. Компания инвестициялар ҳажми бўйича ҳам етакчи. Унинг ялпи инвестициялар бўйича улуши 40%”, – деб таъкидланади SAIPRO ахборот-рейтинг агентлиги хабарида.